Zvicër, kali i ngordhur ekspozohet si vepër arti

05.04.2013

Siç bën të ditur "Albinfo", një kalë i ngordhur po prezantohet si vepër arti në një vitrinë të një galerie në Gjenevë, por në këtë mënyrë ka ngjallur pakënaqësinë e shumicës së kalimtarëve dhe të të tjerëve.

Kolektivi artistik "Zabriskie Point", që drejton këtë galeri, ka thënë për mediet zvicerane: "Ne e dimë, se kjo vepër artistike do të ngjallë reagime të forta. Para së gjithash nga fëmijët dhe vegjetarianët".

Ndërkaq, në natën mes të mërkurës dhe të enjtes ka ndodhur një aksident makabër: kali, si duket jo i përforcuar mirë, ka rrëshqitur, duke mbetur i varur vetëm për koke, ndërkohë që këmbët i preknin në dysheme.

Source: Zvicër, kali i ngordhur ekspozohet si vepër arti
Author: Shekulli Online