Të gjitha rrugët të çojnë te frigoriferi

Uria dhe shpërdorimi, paradoksi i ushqimit

3 Dhjetor, 2012,

Një miliard njerëz të uritur e po aq obezë. Ndërsa 1.3 miliardë tonë ushqim përfundojnë në mbeturina. Ja disa zgjidhje nga guru-ja i ushqyerjes.
Emergjencat e ujit, e ardhmja e OMGJ, shpërdorimi i ushqimit, obeziteti dhe kequshqyerja: këto do të jenë tematikat e Forumit Internacional të Ushqyerjes më 30 nëntor. Do të jenë të ftuar ekspertë botërorë, që do të diskutojnë në Milano rreth paradokseve të ushqimit. Mes tyre, Umberto Veronesi, i cili thotë: “Sot bota ka 7 miliardë banorë. Thuajse 1 miliard prej tyre janë të uritur e po kaq janë obezë. A ka për të ngrënë për të gjithë? Po ka, nëse nuk përfshijnë edhe 3 miliardë kafshë që përfitojnë 1/3 e të gjitha rezervave bujqësore botërore”. Një nga objektivat për të përmirësuar jetën në tokë, është të pakësohet konsumi i mishit. Dietat vegjetariane bëjnë mirë për shëndetin dhe thuhet se të zgjasin jetën me 7 vite. Nga studimet rezulton se ushqimet më të shëndetshme janë bishtajoret, frutat, perimet. Mishi është produkti që dëmton më shumë ambientin: për çdo 1 kg mish, konsumohen 150 litra ujë dhe futen në atmosferë 36.4 kg CO2. Në forum nuk mund të lihej mënjanë shpërdorimi. 1.3 miliardë ton ushqim përfundojnë në plehra. Drejtori i Përgjithshëm i Konsumatorit Europian jep disa këshilla për të kufizuar shpërdorimin. “Shkoni ta bëni pazarin pas dreke, jo kur jeni të uritur, do të blini me siguri më pak. Të mos ju vijë zor të merrni me vete ato ç’kanë tepruar në restorant. Në Amerikë është një proces i zakonshëm. Përdorni pak fantazi në kuzhinë për të ripërdorur ushqimet e mbetura në një formë tjetër”

Burimi: http://www.panorama.com.al/2012/12/03/te-gjitha-rruget-te-cojne-te-frigoriferi-36/#ixzz2KiuxYbJ8

Source: Të gjitha rrugët të çojnë te frigoriferi
Author: Gazeta Panoram